ធ្វើការងារមនុស្សធម៌ជួយដល់ប្រជាពលរដ្ឋគឺជាការរួមចំណែកជាមួយដល់រាជរដ្ឋាភិបាល
18-November-2019 | ដោយ ពលមនសិការ
បន្ទាយមានជ័យ៖ ធ្វើការងារមនុស្សធម៌ ជួយដល់ប្រជាពលរដ្ឋ គឺជាការរួមចំណែកជាមួយដល់រាជរដ្ឋាភិបាលកម្ពុជាដែលបានកោតសសើរពីឯកឧត្តម ហ៊ុន ម៉ាណែត ក្នុងឱកាសសិតព្រះពុទ្ធបដិមានិងសម្ពោធស្ថានីយ៍វិទ្យុ និងចែកអំណោយប្រជាពលរដ្ឋកាលពីថ្ងៃទី១៧ ខែវិច្ឆិកា ឆ្នាំ២០១៩នៅវត្ថរតនារាមហៅវត្តផ្សារកណ្តាល ស្ថិតភូមិ.សង្កាត់ផ្សារកណ្តាល ក្រុងប៉ោយប៉ែត។
លោក គាត ហ៊ុល អភិបាលក្រុងប៉ោយប៉ែតបានមានប្រសាសន៍រាយការណ៍ថា៖វត្តរនារាមហៅវត្តផ្សារកណ្តាលបានរៀបចំពិធីសិតព្រះពុទ្ធបដិមាសាងពីលោហៈធាតុទាំង១០ និងសម្ពោធស្ថានីយ៍វិទ្យុព្រះពុទ្ធឈ្នះមារ និងស្រោចស្រពសុគន្ធវារី និងចែកជូនអំណោដល់ចាស់ជរា ជនពិការ ជនគ្មានទីពឹងចំនួន៥០០គ្រួសារ។
ក្រុងប៉ោយប៉ែតមាន២៣វត្តក្នុងនោះមានគណៈមហានិកាយមាន២២វត្ត និងគណៈធម្មយុត្តិកៈនិកាយមាន០១វត្តមានព្រះសង្ឃចំនួន៤១៨អង្គក្នុងនោះព្រះសង្ឃគណៈមហានិកាយមាន៤១១អង្គ និងព្រះសង្ឃធម្មយុត្តិកៈនិកាយមានចំនួន០៧អង្គ។
លោក អ៊ុំ រាត្រី អភិបាលខេត្តបន្ទាយមានជ័យមានប្រសាសន៍ថា៖តំបន់ប៉ោយប៉ែតគឺជាក្រុងជាប់ព្រំដែនកម្ពុជា.ថៃ ការងារសន្តិសុខ និងសណ្តាប់ធ្នាប់ នៅច្រកទ្វារអន្តរជាតិប៉ោយប៉ែត និងច្រកទ្វារតំបន់ព្រំដែនម៉ាឡៃ ស្រុកម៉ាឡៃ និងច្រកទ្វារតំបន់ព្រំដែនបឹងត្រកួន ស្រុកថ្មពួក និងតាមបន្ទាត់ព្រំដែនមានលក្ខណៈស្ងប់ស្ងាត់ជាធម្មតា និងមានការផ្សារភ្ជាប់សម្ព័ន្ធមេត្រីភាពរវាងអង្គភាពរដ្ឋបាលក្រុងប៉ោយប៉ែត ខេត្តបន្ទាយមានជ័យ កម្ពុជា និងសាលាស្រុកអារ័ញ្ញប្រថេត ខេត្តស្រះកែវ ប្រទេសថៃ ស្ថានភាពសន្តិសុខនៅតាមបន្ទាត់ព្រំដែនមានលក្ខណៈល្អប្រសើរ។
ឯកឧត្តម ហ៊ុន ម៉ាណែត អគ្គមេបញ្ជាការរងនៃកងយោធពលនិងខេមរភូមិន្ទ និងជាមេបញ្ជាការកងទ័ពជើងគោកបានមានប្រសាសន៍ថា៖ក្រុងប៉ោយប៉ែតខេត្តបន្ទាយមានជ័យ គឺជាតំបន់ជាប់ព្រំដែនកម្ពុជា.ថៃ នាសម័យសង្គ្រាមជាតំបន់សមភូមិក្តៅរវាងទ័ពរាជរដ្ឋាភិបាលកម្ពុជា និងទ័ពព្រៃ។ដោយមានការដឹកនាំដ៏ឈ្លាសវ៉ៃពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រទេសកម្ពុជាមានសុខសន្តិភាព និងមានការអភិវឌ្ឍន៍ រីកចម្រើន។ តំបន់ប៉ោយប៉ែតបានក្លាយជាតំបន់សេដ្ឋកិច្ចមានច្រកទ្វាអន្តរជាតិសេដ្ឋកិច្ចចំនួន២ និងមានតំបន់ពាណិជ្ជកម្ម និងឧស្សាហកម្ម។
ឯកឧត្តម ហ៊ុន ម៉ាណែត បានមានប្រសាសន៍កោតសសើរចំពោះក្រុមចលនាយុវជនកម្ពុជាក្រុម១៥៧ ដែលបានធ្វើមនុស្សធម៌ជួយដល់ប្រជាពលរដ្ឋ គឺជាការរួមចំណែកជាមួយរាជរដ្ឋាភិបាលកម្ពុជា ដើម្បីចូលរួមកាត់បន្ថោយភាពក្រីក្រ។
ក្នុងឱកាសនោះសម្តេចព្រះអគ្គមហាសង្ឃារាជាធិបតី ឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ និងឯកឧត្តម ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក ឯកឧត្តម ម៉ឹង ពន្លក ប្រធានចលនាយុវជនកម្ពុជាក្រុម១៥៧ និងគណៈប្រតិភូអមដំណើរបានចូលរួមសិតព្រះពុទ្ធបដិមា និងសម្ពោធស្ថានីយ៍ផ្សាយបន្តព្រះពុទ្ធឱវាទឈ្នះមានិងចែកអំណោយជូនចាស់ជរាមានចំនួន៥០០គ្រួសារជាអំណោយចលនាយុវជនកម្ពុជាក្រុម១៥៧ក្រុងប៉ោយប៉ែតខេត្តបន្ទាយមានជ័យ៕
ចំនួនអ្នកទស្សនា
- ថ្ងៃនេះ4741
- ម្សិលមិញ20231
- សប្តាហ៍នេះ83821
- ខែនេះ105701
- ឆ្នាំនេះ105701
- សរុប20548157